Sayyor qabullarda fuqarolarning muammolari o‘z yechimini topmoqda

Qoraqalpog‘iston Respublikasi Vazirlar Kengashi Raisining mahalliy sanoatni rivojlantirish masalalari bo‘yicha yordamchisi N.Echanov Taxiatosh tumanidagi 7-sonli bolalar musiqa va san’at maktabida tuman aholisi bilan ochiq muloqot, ularni qiynayotgan muammolarga joylarda yechim topish maqsadida sayyor qabul bo’lib o’tdi. Sayyor qabulda fuqarolardan bank kredit masalalari, elektr energiyasi, uy-joy, ijtimoiy yordamlar bo‘yicha turli murojaatlar kelib tushdi va ularning ayrimlari joyida ijobiy yechim topdi. Vaqt talab etiladigan murojaatlar Qoraqalpog‘iston Respublikasi Vazirlar Kengashi Raisining shaxsiy nazoratiga olinib, tez fursatda ijobiy hal etish bo‘yicha tegishli soha rahbarlariga topshiriqlar berildi.