Kóshpeli qabıllawlar puqaralar múrájatlarına sheshim tawmaqta

Qaraqalpaqstan Respublikası Ministrler Keńesi Baslıǵınıń aymaqlıq sanaattı rawajlandırıw máseleleri boyınsha járdemshisi N.Echanov Taqıyatas rayonındaǵı 7-sanlı balalar muzıka hám kórkem-óner mektebinde rayon turǵınları menen ashıq sáwbetlesiw, olardı qıynap kiyatırǵan múrájatlarǵa orınlarda sheshim tabıw maqsetinde kóshpeli qabıllawı bolıp ótti. Kóshpeli qabıllawda puqaralardan bank kredit máseleleri, elektr energiyası, úy-jay, sociallıq járdemler boyınsha túrli múrájatlar kelip tústi hám olardıń ayrımlarına ornında unamlı sheshim tabıldı. Waqıt talap etiletuǵın múrájatlar Qaraqalpaqstan Respublikası Ministrler Keńesi Baslıǵınıń jeke qadaǵalawına alınatuǵınlıǵı atap ótilip, tez múddette unamlı sheshim tabıw boyınsha tiyisli taraw basshılarına tapsırmalar berildi.