“Yashilovul” mobil biznes platformasi taqdimoti va ommaviy axborot vositalari vakillari uchun matbuot anjumani bo‘lib o‘tdi.

Qoraqalpog‘iston Respublikasi Savdo-sanoat palatasida Agrotech Innovation Day: “Yashil ‒ platformasi bilan kelajagimizni birgalikda quramiz” mavzusidagi ko‘rgazma-yarmarkasi asosida “Yashilovul” mobil biznes platformasi taqdimoti va ommaviy axborot vositalari vakillari uchun matbuot anjumani bo‘lib o‘tdi. Unda yetakchi mutaxassislar platformaning dastur va veb-sayt formatida qo‘llash imkoniyatlari haqida so‘zlab berishdi. “Yashilovul” mobil platformasi Orolbo‘yida qishloq xo‘jaligi va ekologiya sohalarida biznes bilan shug‘ullanish uchun zarur ma’lumotlarni taqdim etadi. Ushbu platformada foydalanuvchilar tegishli soha vakillari bilan maslahatlashishi, shuningdek, Qoraqalpog‘istonning barcha shahar va tumanlari bo‘ylab foydali materiallar, yangiliklar va haftalik oziq-ovqat narxlari bilan tanishishi mumkin. Tadbir davomida ekspertlar ishtirokchilar o‘rtasida qizg‘in fikr-mulohazalarga sabab bo‘layotgan platformani takomillashtirishga asos bo‘ladigan yangi yo‘nalishlarni aytib o‘tdi. Ya’ni platformani yanada takomillashtirish bo‘yicha fikr-mulohazalar bildirildi. Qishloq xo‘jaligidagi innovatsiyalar, suv tejovchi texnologiyalarni joriy etish, agrobiznesni moliyalashtirish va sug‘urtalash, shuningdek, qishloq xo‘jaligi sohasida raqamli texnologiyalarning o‘rni kabi dolzarb mavzular bo‘yicha ekspertlar, agrobiznes vakillari va fermerlarning ishtiroki sohada uchrayotgan muammolar va imkoniyatlarni aniqlashga zamin yaratdi. Tadbirda ommaviy axborot vositalari vakillari va ishtirokchilar o‘zlarini qiziqtirgan savollariga tashkilotchilar tomonidan javoblar oldi.