“Yashilovul ‒ platformasi bilan kelajagimizni birgalikda quramiz” nomli ko‘rgazma-yarmarkasi asosida ommaviy axborot vositalari vakillari uchun press-tur bo‘lib o‘tdi.

Press-tur davomida O‘zbekistondagi Global Yashil o‘sish instituti (GGGI) tomonidan ishlab chiqilgan “Yashil” platformasi bilan sohani yanada rivojlantirish, qishloq xo‘jaligi va agrobiznes vakillari uchun qishloq xo‘jaligi sohasida tajriba almashish, zamonaviy innovatsiyalarni joriy etish bo‘yicha muhim ma’lumotlar va ko‘rgazma vositalari bilan yaqindan tanishtirildi. Ko‘rgazmada Qoraqalpog‘iston Respublikasi Vazirlar Kengashi raisi o‘rinbosari D.Qaypov, Qoraqalpog‘iston Respublikasi Savdo-sanoat palatasi boshqarmasi rahbari K.Artikov, GGGI vakillari Gi Un Kim va Baxtiyor Radjapovlar, shuningdek, qishloq xo‘jaligi sohasida tajriba almashish va zamonaviy innovatsiyalarni joriy etishda yig‘ilgan fermerlar, eksportyorlar, texnika yetkazib beruvchilar, shuningdek, moliya institutlari vakillari, ommaviy axborot vositalari vakillari ishtirok etdi. Tadbirda qishloq xo‘jaligidagi eng so‘nggi zamonaviy texnologiyalarni targ‘ib qilish, fermerlar va agrobiznes vakillari aloqalarini mustahkamlash, shuningdek, “Yashilovul” mobil biznes platformasining imkoniyatlari bilan press-tur ishtirokchilari ham da qishloq xo‘jaligi sohasi va agrobiznes vakillari yaqindan tanishdilar. Tadbirda agrobiznesni qo‘llab-quvvatlash bo‘yicha o‘z xizmatlarini taqdim etgan lizing va sug‘urta kompaniyalari, tijorat banklari vakillari ham ishtirok etdi.