“Jasılawıl ‒ platforması menen keleshekti birge quramız” atamasında kórgizbe-yarmarkası tiykarında ǵalaba xabar quralları wákilleri ushın press-tur bolıp ótti.

Ózbekstan Sawda-sanaat Palatasınıń Qaraqalpaqstan Respublikası basqarmasında Agrotech Innovation Day: “Jasılawıl ‒ platforması menen keleshekti birge quramız” atamasında kórgizbe-yarmarkası tiykarında ǵalaba xabar quralları wákilleri ushın press-tur bolıp ótti. Press-tur dawamında Ózbekstandaǵı Global Jasıl Ósiw Institutı (GGGI) tárepinen islep shıǵılǵan “Jasılawıl” platforması menen tarawdı ele de rawajlandırıw, awıl xojalıǵı hám agrobiznes wákilleri ushın awıl xojalıǵı tarawında tájiriybe almasıw, zamanagóy innovaciyalardı engiziw boyınsha áhmiyetli maǵlıwmatlar hám kórgizbe quralları menen jaqınnan tanıstırıldı. Kórgizbede Qaraqalpaqstan Respublikası Ministrler Keńesi baslıǵınıń orınbasarı D.Qaypov, Qaraqalpaqstan Respublikası sawda-sanaat palatası basqarması baslıǵı K.Artıkov, GGGI wákilleri Gi Un Kim hám Baxtiyor Radjapovlar sonday aq, awıl xojalıǵı tarawında tájiriybe almasıw hám zamanagóy innovaciyalardı engiziw maqsetinde jıynalǵan fermerler, eksportyorlar, texnika jetkerip beriwshiler, qarjı institutı wákilleri, sonday aq ǵalaba xabar quralları wákilleri qatnastı. Ilajda awıl xojalıǵındaǵı eń sońǵı zamanagóy texnologiyalardı úgit násiyat etiw, fermerler hám agrobiznes wákilleriniń baylanısların bekkemlew, sonday-aq, “Jasılawıl” mobil biznes flatformasınıń imkániyatları menen press-tur qatnasıwshıları, agrobiznes hám awıl xojalıǵı tarawı wákilleri jaqınan tanısıp ótti. Ilajda agrobiznesti qollap quwatlaw boyınsha óz xızmetlerin usınǵan lizing hám qamsızlandırıw kompaniyaları, kommerciyalıq bank wákilleri de qatnastı.