Nókis qalasında azıq-awqat qáwipsizligi boyınsha trening bolıp ótpekte
\Búgin, 4-dekabr kúni Nókis qalasında AQSh Awıl xojalıǵı ministrliginiń balalardıń bilim alıwı hám awqatlanıwı ushın “MakGovern-Doul” xalıqaralıq baǵdarlaması sheńberinde “Mercy Corps” [MERSIKO] xalıqaralıq mámleketlik emes kommerciyalıq emes shólkemi Mektepke shekemgi hám mektep bilimlendiriw ministrligi hám Ózbekstan Respublikası sanitariya-epidemiologiyalıq tınıshlıq hám jámiyet salamatlıǵı basqarması menen birgelikte Xоjeyli, Taqıyatas, Nókis, Shımbay, Qoraózek, Kegeyli rayonlarındaǵı maqsetli mektepke shekemgi bilimlendiriw shólkemlerinen jámi 90 xızmetker – direktor, xojalıq isleri mengeriwshisi hám aspazları ushın “Mektepke shekemgi bilimlendiriw shólkemlerinde azıq-awqat qáwipsizligi principlerin úyreniw hám ámeliy kónlikpelerdi rawajlandırıw” temasıdaǵı 16 saatlıq qánigelikti asırıw treningi bolıp ótpekte.
Bul treningte azıq-awqat ónimlerin qáwipsiz tayarlaw hám saqlaw túsinikleri, MShBShda xojalıq isleri mengeriwshisi, bas aspaz hám aspazlardıń minnetlemeleri, mektepke shekemgi jastaǵı balalar ushın toyımlı, qáwipsiz awqatlanıwdı shólkemlestiriw, MMShBSh asxanalarına qoyılatuǵın gigiyenalıq talaplar, azıq-awqat ónimlerin jetkiziw hám saqlaw, sonday-aq, awqat tayarlaw ushın sanitairya-gigiyenalıq talaplar, dezinfekciyalaw quralların saqlaw qaǵıydaları, MMShBShlarǵa “Mercy Corps” [MERSIKO] xalıqaralıq shólkemi tárepinen berilgen asxana úskeneleri hám suwdı filtrlew sistemalarıdan paydalanıw qaǵıydaları sıyaqlı bir qatar temalar boyınsha teoriyalıq hám ámeliy bilimler berilеdi.
Balalardıń bilim alıwı hám awqatlanıwı ushın “MakGovern-Doul” xalıqaralıq baǵdarlaması Qaraqalpaqstan Respublikası hám Surxandárya wálayatınıń mámleketlik mektepke shekemgi bilimlendiriw shólkemilerinde ámelge asırılıp atırǵan bolıp, bul baǵdarlama mektepke shekemgi bilimlendiriw shólkemileriniń materiallıq-texnikalıq bazasın hám infratuzilmasın jaqsılaw, balalardıń erte sawatlılıq, salamat turmıs tárizi hám gigiyena kónlikpelerin rawajlandırıw boyınsha MShBSh pedagog, miyirbiyke hám aspazlarınıń mamanlıǵın asırıw hám pedagoglar ushın trenerlik yamasa mentorlıq iskerligin ámelge asırıw sıyaqlı bir qatar maqsetlerge erisiwdi názerde tutadı.