Shımbay rayonı hákimliginde ” Shımbay rayonın jedel sociallıq ekonomikalıq rawajlandırıw bagʼdarındagʼı aldagʼı rejeleri haqqında hám Ózbekstan Respublikası Prezidentiniń 2025-jıl 3-yanvar kúngi “2025-jılda Respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw boyınsha ilajlar haqqında”gʼı PQ –1-sanlı qararınıń orınlanıwı boyınsha alıp barılıp atırgʼan jumısları haqqında baspa sóz konferenciyası bolıp óttı.

Ótkerilgen baspa sóz konferenciyasında Ózbekstan Respublikası Prezidentiniń 2025-jıl 3-yanvar kúngi “2025-jılda Respublika máhállelerinde qáwipsiz ortalıqtı jaratıw hám huqıqbuzarlıqlardıń erte aldın alıw sistemasınıń nátiyjeliligin bunnan bılay da arttırıw boyınsha ilajlar haqqında”gʼı PQ –1-sanlı qararınıń orınlanıwı boyınsha alıp barılıp atırgʼan jumısları haqqında maǵlıwmatlar berildi. Sonday aq, press konferenciya dawamında rayon ekonomikasın hám sociallıq turmısın bunnan bılay da rawajlandırıw, qáwipsiz hám qolaylı ortalıq jaratıw boyınsha ámelge asırılıp atırǵan jumıslar, keleshektegi rejeler hám erisilgen nátiyjeler dodalandı. Qáwipsiz aymaq jaratıw boyınsha ámelge asırılıp atırǵan jumıslar boyınsha taraw juwapkerleri tárepinen islengen jumıslar boyınsha maǵlıwmatlar keltirip ótildi. Rayonda qáwipsiz hám qolaylı ortalıq jaratıw maqsetinde jámiyetlik orınlarda qáwipsizlikti támiyinlew maqsetinde qosımsha baqlaw kameraları ornatılǵanlıǵı, Jollarda háreket qáwipsizligin kúsheytiw maqsetinde jańa svetoforlar, piyadalar jolları hám jol belgileri ornatılıp, balalar hám xalıqtıń háreketleniwi ushın qolaylı sharayatlar jaratılǵanlıǵı ayrıqsha atap ótildi. Ótkerilgen press konferenciya dawamında Respublikamız ǴXQ wákilleri ózlerin qızıqtırǵan sorawlarına qániygeler tárepinen juwaplar aldı.