Qaraqalpaqstan Respublikası Ministrler Keńesiniń Baslıǵı Farhod Ermanov Qıtaydıń “Bir belbew – bir jol” baslamasınıń Ózbekstandaǵı basshısı Zhoujiyi Itayku menen ushırasıwı bolıp ótti.
Ushırasıwda transport hám irrigaciya sistemasın jetilistiriw boyınsha Qıtay kompaniyaları menen birge islesiw máselesi kórip shıǵıldı. Atap aytqanda, jol tarmaqların bekkemlew, beton qaplamalı zamanagóy texnologiyalardı engiziw, sonday-aq, kanal hám salmalardı betonlaw arqalı suw resurslarınan nátiyjeli paydalanıw, jasıl energiya hám quyash panellerin ornatıw arqalı ekologiyalıq taza energiyanı rawajlandırıw boyınsha usınıslar dodalandı. Ushırasıw dawamında tárepler joybarlardı ámelge asırıw boyınsha anıq baǵdarlardı belgilep aldı hám keyingi basqıshlarda texnikalıq-ekonomikalıq tiykarlardı islep shıǵıw hám birgeliktegi jumısshı toparlardı shólkemlestiriw boyınsha kelisip alındı. 
