“Náshebentlikke qarsı gúres – hámmemizdiń wazıypamız”
Ózbekstan Respublikası Prezidentiniń 2024-jıl 6-maydaǵı “Ózbekstan Respublikasında náshebentlik quralları hám psixotrop zatlardıń nızamsız aylanısına shek qoyıw arqalı olardıń xalıq salamatlıǵı hám mámleketimiz genofondına unamsız tásirin saplastırıw strategiyalıq ilajları haqqında”ǵı PP-73-sanlı Pármanına tiykarlanıp 2025-jıldıń 1-fevralınan 1-martına shekem mámleketlik uyımlar hám shólkemler menen birgelikte “Jaslar arasında náshebentlik quralları hám psixotrop zatlardıń tarqalıwınıń aldın alıw” kompleksli operativ-profilaktikalıq ilajın ótkeriw boyınsha ushırasıw bolıp ótti. Ushırasıwda Qaraqalpaqstan Respublikası Ministrler Keńesi Baslıǵınıń orınbasarı R.Nurazizov, sonday-aq, Ózbekstan Respublikası Prezidenti Administraciyası janındaǵı Náshebentlik zatlardı qadaǵalaw Milliy orayınıń bas ilimiy xızmetkeri J.Yusupov hám Respublikalıq Qánigelestirilgen ruwxıy salamatlıq ilimiy-ámeliy medicina orayı, metodikalıq shólkemlestiriw bóliminiń baslıǵı J.Tayrov hám máselege baylanıslı ministrlikler, uyımlar, oqıw orınları hám shólkemlerdiń basshıları qatnastı. Qaraqalpaqstan Respublikası Ministrler Keńesi janındaǵı Náshebentlik quralları hám psixotrop zatlar ústinen qadaǵalaw boyınsha aymaqlıq komissiya tárepinen Ózbekstan Respublikası Prezidentiniń 2024-jıl 6-maydaǵı “Ózbekstan Respublikasında náshebentlik quralları hám psixotrop zatlardıń nızamsız aylanısına shek qoyıw arqalı olardıń xalıq salamatlıǵı hám mámleketimiz genofondına unamsız tásirin saplastırıw boyınsha strategiyalıq ilajlar haqqında”ǵı PP-73-sanlı Pármanına tiykarlanıp 2025-jıldıń 1-fevralınan 1-martına shekem “Jaslar arasında náshebentlik quralları hám psixotrop zatlardıń tarqalıwınıń aldın alıw” kompleksli operativ-profilaktikalıq ilajın ótkeriw belgilengen. Bul ilaj dawamında Ózbekstan Respublikası Prezidenti Administraciyası janındaǵı Narkotiklerdi qadaǵalaw milliy orayınıń xızmetkerleri hám aymaqlıq komissiya aǵzaları, tiyisli ministrlikler hám uyımlardıń xızmetkerleri menen birgelikte ushırasıwlar ótkerilmekte. Qaraqalpaqstan Respublikası Ministrler Keńesiniń Baslıǵı tárepinen usı jıldıń 23-yanvar kúni Respublikamızda fevral ayı dawamında “Jaslar arasında náshebentlik qurallarına qarsı gúresiw” boyınsha ótkeriletuǵın operativ-profilaktikalıq ilajlar rejesi tastıyıqlanıp, mápdar ministrlikler hám uyımlarǵa orınlaw ushın jiberilip, usı rejeler tiykarında orınlarda ilajlar ótkerilip kelinbekte. Ushırasıw dawamında náshebentlik zatlar tarqalıwınıń aldın alıw, olardıń unamsız aqıbetleri hám jámietke keltiretuǵın zıyanları haqqında dodalawlar bolıp ótti. Qánigeler jaslar arasında profilaktikalıq jumıslardı kúsheytiw, olardı salamat turmıs tárizine úgit-násiyatlaw áhmiyetli ekenligin atap ótti. Ushırasıw juwmaǵında qatnasıwshılar náshebentlikke qarsı gúresiwde birge islesiwdi bunnan bılay da bekkemlew hám xalıqtıń barlıq qatlamları arasında profilaktikalıq jumıslardı jedellestiriwge kelisip aldı. Orınlarda ushırasıwlar dawam etpekte.
