Ózbekstan Respublikası Bas ministriniń 2025-jıl 13-yanvardaǵı 07-15-1-sanlı tapsırması tiykarında, atqarıw tártibin bunnan bılay da bekkemlew, atqarıw hákimiyatı uyımlarınıń strukturalıq bólimleri basshıları hám qánigeleriniń is júrgiziw mamanlıǵı hám kásiplik dárejesin arttırıw maqsetinde Qaraqalpaqstan Respublikası Ministrler Keńesinde “ekonomikalıq oqıw” seminarı shólkemlestirildi.

Ózbekstan Respublikası Prezidentiniń 2021-jıl “Nızamshılıq hújjetleri orınlanıwın nátiyjeli shólkemlestiriwde mámleketlik basqarıw uyımları hám jergilikli atqarıw hákimiyatı uyımları basshılarınıń jeke juwapkershiligin kúsheytiwge baylanıslı qosımsha ilajlar haqqında”ǵı PF–6166-sanlı Pármanı hám 2021-jıl 31-maydaǵı “Ijro.gov.uz” orınlaw tártibi uyımlararalıq birden-bir elektron sistemasınıń nátiyjeli jumıs islewin támiyinlewge qaratılǵan qosımsha ilajlar haqqında”ǵı PQ-5132-sanlı qararında belgilengen tapsırmalar tiykarında Qaraqalpaqstan Respublikası Ministrler Keńesinde orınlaw tártibi “Ijro.gov.uz” uyımlararalıq elektron sisteması arqalı Ózbekstan Respublikası Prezidentiniń Párman, qarar, biylik hám tapsırmaları jáne májilis protokollarında berilgen tapsırmaları óz waqtında orınlanıwǵa qaratılıp, sapalı orınlanıwı qatań qadaǵalawǵa alınǵan. Hápteniń hár dúysenbi kúnleri Qaraqalpaqstan Respublikası Ministrler Keńesi Baslıǵınıń basshılıǵında, hápteniń shárshembi hám juma kúnleri Ministrler Keńesi Baslıǵınıń birinshi orınbasarı janında orınlaw tártibi jaǵdayı sın kózqarastan dodalanıp kelinbekte. Ózbekstan Respublikası Prezidentiniń hújjetleri menen tapsırmalarınıń orınlanıwı kúnlik, saatlıq qatań qadaǵalanbaqta. Ózbekstan Respublikası Prezidenti Sh.M.Mirziyoyevtiń 2024-jılı “ijro.gov.uz” sistemasında qadaǵalaw tapsırmaları orınlanıwınıń nátiyjeliligi juwmaqları, anıqlanǵan kemshilikler hám mashqalalar, sonday-aq, bul baǵdardaǵı jumıslardıń nátiyjeliligin arttırıw ilajları boyınsha Ministrler Keńesi sekretariatları hám strukturalıq bólimleriniń keleshekte orınlaw tártibin bekkem boyınsha ótkerilgen oqıw-seminarımızda Qaraqalpaqstan Respublikası Ádillik ministriniń orınbasarı Mahmud Karamatdinovich Abdijaliev qatnaspaqta.