Korrupciyaǵa qarsı gúresiw hám mápler soqlıǵısıwınıń aldın alıw boyınsha áhmiyetli qádemler

Qaraqalpaqstan Respublikası Ministrler Keńesinde korrupciyaǵa qarsı gúresiw hám mápler soqlıǵısıwın saplastırıw boyınsha shólkemlestirilgen ushırasıw jámiyette júzege kelip atırǵan eń áhmiyetli mashqalalardı sheshiwge qaratıldı. Ilajdı Ministrler Keńesiniń Korrupciyaǵa qarsı ishki qadaǵalaw bóliminiń baslıǵı B.Matmuratov alıp bardı. Sonday-aq, ilajda mámleketlik uyımlardıń juwapker xızmetkerleri hám ǵalaba xabar quralları wákilleri qatnastı. Ushırasıwdıń tiykarǵı maqseti – shólkemlerde ashıq-aydınlıqtı arttırıw, xızmetkerler arasında mápler soqlıǵısıwınıń aldın alıw, korrupciya jaǵdayların anıqlaw hám olardı saplastırıw boyınsha nátiyjeli mexanizmlerdi engiziwden ibarat boldı. Ilaj dawamında shólkemlerde ashıq-aydın hám ádil basqarıwdı támiyinlew maqsetinde Mámleketlik xızmetlerdi sanlastırıw arqalı insan faktorınıń tásirin azaytıw, korrupciyaǵa qarsı ilajlardı kúsheytiw ushın normativlik hújjetlerdiń nátiyjeliligin arttırıw, korrupciya jaǵdayların anıqlawda shaxslardıń juwapkershiligin arttırıw boyınsha ayrıqsha tolıq túsinikler berildi. Sonday-aq, mápler soqlıǵısıwı boyınsha da tolıq maǵlıwmatlar berildi. Jumısqa qabıllaw processlerinde ashıq tańlawlar ótkeriw, barlıq xızmetkerler ushın mápler soqlıǵısıwına baylanıslı etika qaǵıydaları hám nızam buzılıwınıń aqıbetleri haqqında túsinikler berildi.