Ǵalaba xabar quralları xızmetkerleri ushın áskeriy obektlerge press-tur shólkemlestirildi
Ózbekstan Respublikası Qurallı Kúshleri dúzilgeniniń 33 jıllıǵı hám Watan qorǵawshıları kúni bayramı aldınan Arqa-batıs áskeriy okrug áskerleri sárkardalıǵı hám Ózbekstan Jurnalistler awqamı Qaraqalpaqstan bólimi baslaması menen áskeriy xızmetkerlerge jaratılǵan sharayatlar, olardı sociallıq qorǵaw máselelerine bolǵan itibardı kórsetiw, sonday-aq, qorǵanıw tarawında málimleme siyasatınıń ashıq-aydınlıǵın támiyinlew maqsetinde Nókis garnizonında jaylasqan Qorǵanıw ministrliginiń bir qansha áskeriy obektlerine press-tur shólkemlestirildi.
Zamanagóy dizayn tiykarında qurılǵan hám xalıqqa xızmet kórsetiw ushın barlıq qolaylıqlarǵa ie bolǵan bul imaratta náwbechilikti ótew ushın bólme, basqarıw punkti, arxiv, fizikalıq hám yuridikalıq shaxslardı qabıllaw ushın arnawlı orın, shaqırılıwshılar hám esapta turıwshılar haqqındaǵı elektron maǵlıwmatlar bazasın júrgiziw xanası jáne 30 xızmet xanası mebel, “qıs-jaz Keyingi mánzil Nókis garnizonındaǵı mobilizaciyalıq shaqırıw rezervi batalyonı hám Qaraqalpaqstan Respublikası Qorǵanıw isleri basqarması janındaǵı Shaqirılıwshılardı áskeriy-texnikalıq qánigelikler boyınsha tayarlaw orayı boldı.
Komplekste 20 ǵa shamalas oqıw bólmesi, Ámir Temur hám Jalaladdin Manguberdi úgit-násiyatları, qaharmanlıqların ózinde kórsetetuǵın tematikalıq klasslar, 120 orınlıq ánjumanlar zalı, kórkem ádebiyat, oqıw qollanbaları hám elektron basılımlarǵa bay kitapxana, Internet global tarmaǵına jalǵanǵan kompyuter klassı, kompyuterlestirilgen panoramalı oq atıw klassı,
zamanagóy sport ánjamları hám jabıq túrdegi zalǵa ie bolǵan sport kompleksi jáne medicina punkti búgingi kún talapları tiykarında úskenelengen. Keyingi jıllarda elimizdiń Qurallı Kúshlerine, áskeriy xızmetkerlerdiń xızmet etiw sharayatların jaqsılawǵa qaratılıp atırǵan itibar sebepli búgingi kúnge kelip kóplegen áskeriy obektler, dala-oqıw maydanlarınıń infrastrukturası pútkilley jańasha kóriniske ie bolıp, zamanagóy kóriniske ie bolmaqta. Press-tur juwmaǵında ǵalaba xabar qurallarınıń xızmetkerleri SCHR xızmetkerleri hám oray oqıwshıları menen sáwbetlesip, olar menen birge áskeriy túrde túslik awqat etti.