Ózbekstan Respublikası Qurılıs hám úy-jay kommunal xojalıǵı ministrligi hám Qaraqalpaqstan Respublikası Ministrler Keńesi menen birgelikte Nókis qalasındaǵı Jaslar orayında “Joybarlaw hám qurılıs shólkemleriniń reytinglerde qatnasıwı hám qátelikleri” atamasında Press konferenciya bolıp ótti.

Ózbekstan Respublikası Qurılıs hám úy-jay kommunal xojalıǵı ministrligi hám Qaraqalpaqstan Respublikası Ministrler Keńesi menen birgelikte Nókis qalasındaǵı Jaslar orayında “Joybarlaw hám qurılıs shólkemleriniń reytinglerde qatnasıwı hám qátelikleri” atamasında Press konferenciya bolıp ótti. Onda Qaraqalpaqstan Respublikası Ministrler Keńesi Baslıǵınıń qurılıs, tosqınlıqlarsız ortalıq jaratıw, kommunikaciyalar, kommunal xojalıq, ekologiya hám kóklemzarlastırıw máseleleri boyınsha orınbasarı Sh.Dawletiyarov qatnastı hám ilajdı basqarıp bardı. Sonday aq, Qurılıs hám turaq jay kommunal xojalıǵı ministrligi, ministrlik janındaǵı Málimleme-kommunikaciya texnologiyaların rawajlandırıw respublikalıq orayınıń qánigeleri, isbilermenler hám qurılısshılar qatnasdı. Bizge belgili, Málimleme-kommunikaciya texnologiyaların rawajlandırıw Respublikalıq orayı qurılıs hám kommunallıq tarawdı sanlastırıw jumısın alıp baradı. Oray tárepinen jaratılǵan platformalar arasında qurılıs-jumıstı kesip alıp islewshi shólkemlerdiń reytingi ayrıqsha áhmiyetke iye. Bul sistema insan faktorısız isleydi. Tiykarǵı maqset bolsa qurılıs tarawında ashıq-aydınlıqtı támiyinlew jáne qaǵazpazlıq hám korrupciyaǵa shek qoyıwdan ibarat. Qurılıs-jumıstı kesip alıp islewshi shólkemler ne ushın reytingte qatnasıwı zárúr? Maqset qurılıs-jumıstı kesip alıp islewshi shólkemler arasında jalǵan hám nadurıs maǵlıwmatlar tarqalıwınıń aldın alıw, ashıq-aydınlıqtı hám isenimlilikti támiyinlew bolǵanı ushın da sociallıq taraw obektlerin qurıw niyetindegi hár bir shólkem reytingte qatnasıwı shárt. Xalıqtıń qáwipsizligin támiyinlew ushın da sociallıq taraw obektleri, atap aytqanda, mektep, baqsha, jol hám suw imaratlarınıń qurılısı hám ońlanıwın múnásip talabanǵa tapsırıwda usı reyting kórsetkishlerine ayrıqsha itibar qaratıladı. Eń áhmiyetlisi, joybarlaw hám qurılıs shólkeminiń jumıs túriniń nátiyjeliligi hám abırayın belgileytuǵın usı reytingte qatnasıw processi ápiwayı hám ańsat, yaǵnıy qolaylı túrde islengen. Ol artıqsha qaǵazpazlıq yamasa áweregershilikti talap etpeydi. Isbilermen Reyting.mc.uz saytınan dizimnen ótip, IIN nomeri menen arza jibergen halda reyting qatnasıwshısına aylanadı. Reytingdegi kriteriyalar hám bahalaw metodologiyası Qurılıs hám turaq jay kommunal xojalıǵı ministrligi tárepinen tayarlanadı. Házirgi waqıtta reytingte 17 mıńnan aslam kárxana qatnaspaqta hám onıń mıńnan aslamı Qaraqalpaqstan Respublikasına tuwra keledi. Qurılıs-jumıstı kesip alıp islewshi shólkemler reyting nátiyjeleri isenimlilik kategoriyası boyınsha A, B, C, D dárejelerde kategoriyalastırıladı. DDD reytingi eń tómen isenimlilik dárejesi sıpatında anıqlanadı hám joqarı dárejedegi qáwip-qáterdi bildiredi, yaǵnıy isenimlilik dárejesi 7% den 20% ke shekem. AAA reytingi joqarı dárejedegi isenimlilik sıpatında qaraladı hám minimal qáwip-qáterdi bildiredi, yaǵnıy isenimlilik dárejesi 85% ten 100% ge shekem. Tender sawdaları mine usı reyting nátiyjeleri boyınsha ótkeriledi hám tábiyǵıy túrde, sawdalarda reytingi joqarı shólkemler ústinlikke iye boladı. Reytingte qurılıs-jumıstı kesip alıp islewshi shólkemniń isenimliligin anıqlaw ushın maman qánigeler, finanslıq kórsetkishler, orınlanǵan jumıslardıń sapası, jumıs tájiriybesi, texnikalıq baza hám básekige shıdamlılıq sıyaqlı kriteriyalar tiykarında ballar belgilengen bolıp, jeterli ball toplaw imkaniyatı shólkemniń ózine baylanıslı. Reyting ólshemlerine muwapıq, kárxanada arnawlı texnikalar bolǵanda hám kárxana esabatları, hákimshilik-xojalıq jumısı durıs shólkemlestirilgende joqarı reytinge erisiwi múmkin. Búgingi ótkerilgen baspasóz konferenciyasında ǴXQ wákilleri usı hám soǵan uqsas tarawǵa baylanıslı sorawlarına qánigeler tárepinen juwaplar aldı.