Qaraqalpaqstan Respublikası rayon (qala) ların sociallıq-ekonomikalıq rawajlandırıw, xalıqtıń bántligin arttırıw, isbilermenlik ushın zárúr sharayatlar jaratıw boyınsha berilgen wazıypalardıń 2024-jıl dawamında ámelge asırılǵan hám keyingi jılda ámelge asırılatuǵın jumıslar boyınsha ushırasıwı bolıp ótti.

Mámleketimiz basshısı tárepinen Qaraqalpaqstan Respublikasınıń rayon (qala) ların sociallıq-ekonomikalıq rawajlandırıw, xalıqtıń bántligin arttırıw, isbilermenlik ushın zárúr sharayatlar jaratıw maqsetinde Respublikamız rayonları wálayatlarǵa biriktirilgen edi. Usı tapsırmanıń orınlanıwı boyınsha, búgingi kúnde aymaqlarda jumısshı toparlar tárepinen rayonlardı “Kámbaǵallıqtan abadanlıqqa qaray” baǵdarlaması, “Sayxunabad,” “Uychi,” “Zarbdor,” “Ǵijduvon” tájiriybeleri tiykarında kompleksli rawajlandırıw baǵdarında ámelge asırılǵan jumıslardıń 2024-jıl juwmaǵı, keyingi jılda ámelge asırılatuǵın jumıslar boyınsha prezentaciyası menen tanısıldı. Ushırasıwda Qaraqalpaqstan Respublikası Ministrler Keńesi Baslıǵınıń orınbasarı N.Erlepesov qatnastı. Usı jıldıń basınan xalıqtıń dáramatların arttırıw, jumıssızlıq dárejesin tómenletiw, isbilermenlik jumısın baslawǵa járdemlesiw, jańa jumıs orınların jaratıw maqsetinde 912 milliard somlıq sonnan, sentyabr-dekabr aylarında isshi topar aǵzaları tárepinen kommerciyalıq bankler menen birgelikte 228 milliard somlıq jámi (13 562) jeńilletilgen kreditler ajıratılǵan. “Kámbaǵallıqtan abadanlıqqa qaray” baǵdarlaması tiykarında, sociallıq jaǵdayı tómen, dáramatı jeterli bolmaǵan kámbaǵal shańaraqlar tańlap alınıp, qala hám rayon shólkemleriniń basshılarına biriktirilgen halda sistemalı jumıslar ámelge asırıldı. Sonday-aq, shańaraqlıq isbilermenlik baǵdarlaması sheńberinde keyingi 3 ay dawamında 10 511 puqaraǵa 154 milliard sum jeńilletilgen kredit qarjıları ajıratılıp, 14,7 mıń jańa jumıs orınlarınıń jaratılıwına erisildi. Bul jumıslar keleshekte de sistemalı ámelge asırılıwı, keyingi orınlanıwı kerek bolǵan jumıslar haqqında wazıypalar belgilep alındı.