Búgin Qaraqalpaqstan Respublikası Ministrler Keńesi Baslıǵınıń orınbasarı R.Nurazizov Nókis rayonında puqaralar ushın kóshpeli qabıllaw ótkerdi.

Búgin elimizde xalıqtıń mashqalaların orınlarǵa shıqqan halda úyreniw hám olardıń máplerin qorǵaw mámleketlik basqarıwdıń tiykarǵı wazıypalarınan biri bolıp esaplanadı. Usı maqsette búgin Qaraqalpaqstan Respublikası Ministrler Keńesi Baslıǵınıń orınbasarı R.Nurazizov Nókis rayonında puqaralar ushın kóshpeli qabıllaw ótkerdi. Ashıq sóylesiw túrinde ótken qabıllawda turaq jay, materiallıq járdem, kommunallıq xızmet, bank xızmetleri, densawlıqtı saqlaw, bántlik hám basqa da máselelerge baylanıslı puqaralardıń múrájatları tıńlandı. Qabıllaw dawamında barlıq múrájatlar tiyisli túrde úyrenildi, kópshiligi ornında unamlı sheshimin tapqan bolsa, sheshiliwi ushın múddet talap etiletuǵın múrájatlar boyınsha juwapkerlerge qosımsha úyreniw boyınsha tiyisli tapsırmalar berilip, orınlanıwı qatań qadaǵalawǵa alındı.