Qaraqalpaqstan Respublikası qala hám rayonları hákimleriniń orınbasarları, shólkemlestiriw-kadrlar toparınıń basshıları hámde milliy kadrlar rezervine kirgizilgen talabanlar ushın aymaqta jergilikli mámleketlik basqarıw hám xalıq penen islesiwdi nátiyjeli shólkemlestiriw ushın talap etiletuǵın bilim hám kónlikpelerdi rawajlandırıw boyınsha oqıw-ámeliy seminar shólkemlestirildi.

Húrmetli Prezidentimizdiń elimizde “insan qádiri” principi tiykarında ámelge asırılıp atırǵan iygilikli isler, qabıl etilip atırǵan Párman hám Qararlar búgin elimiz xalqınıń turmısın abadan, búgingi kúninen razı bolıp, óziniń keleshegine bolǵan isenimi artıp barmaqta. Álbette, bul Párman hám Qararlardıń orınlanıwın támiyinlewde mámleketlik xızmetkerlerdiń bilim hám tájiriybelerin arttırıp barıw talap etiledi. Usı maqsette Nókis qalasında jergilikli mámleketlik basqarıw uyımları hám xalıq penen óz-ara nátiyjeli islesiwdi shólkemlestiriwge qaratılǵan oqıw seminari shólkemlestirildi. Ámeliy oqıw seminarda Ózbekstan Respublikası Prezidenti másláhátshisiniń orınbasarı U.Muhammadiev, Qaraqalpaqstan Respublikası Ministrler Keńesiniń Baslıǵı F.Emanov penen birgelikte qatnastı hámde basqarıp bardı. Bul ilaj tiykarınan jergilikli hákimlikler hám jámiyetlik shólkemler xızmetkerleriniń mamanlıǵın arttırıw jáne xalıq penen pikirlesiw mádeniyatın jetilistiriwge qaratılǵan. Bul oqıw-seminar dawamında kadrlar potenciyalın arttırıw, tarmaq hám aymaqlıq dárejelerde nátiyjeli basshı kadrlar rezervin qáliplestiriw, “Kámbaǵallıqtan abadanlıqqa” baǵdarlamasın ámelge asırıw boyınsha birinshi gezektegi ilajlar haqqında (“Sayxunabad, Uychi, Ǵijduvon, Zarbdor” tájiriybesi), xalıqtı rásmiy jumıs penen támiyinlew, dáramat dáregine iye bolıw, 2025-jılı rayonlardı sociallıq-ekonomikalıq rawajlandırıw baǵdarlamaların islep shıǵıw haqqında, rayonnıń “drayver” tarawların anıqlaw hám iri óndiristi jolǵa qoyıw boyınsha aldınǵı sırt el tájiriybesi hám basqa da kóplegen tarawlar boyınsha bilim hám tájiriybelerge iye bolmaqta.