XALÍQ ARALÍQ DINIY KEŃPEYILLIK KÚNINE ARNALǴAN KEShE BOLÍP ÓTTI

XALÍQ ARALÍQ DINIY KEŃPEYILLIK KÚNINE ARNALǴAN KEShE BOLÍP ÓTTI 1995-jılı 16-noyabrde Parijde YUNESKO Bas konferenciyasınıń 28-sessiyasında “Keńpeyillik principleri deklaraciyası” járiyalandı hám bul kún “Xalıqaralıq keńpeyillik kúni” sıpatında belgilendi. Usı sánege baylanıslı Nókis qalasınıń orayında jaylasqan Jas tamashagóyler teatrında “Ózbekstan – keńpeyil úlke” atamasındaǵı ruwxıy-aǵartıwshılıq ilaj bolıp ótti hám bir topar watanlaslarımız “Diniy keńpeyillik” kókirek belgisi jáne Ministrler Keńesi tárepinen minnetdarshılıq hám estelik sawǵaları menen sıylıqlandı. Ilajǵa túrli ministrlikler hám uyımlar, jámiyetlik shólkemler hám diniy konfessiya wákilleri, milliy mádeniy oraydıń belsendileri, elimizde milletlerara tatıwlıq hám diniy keńpeyillik baylanısların bekkemlewge múnásip úles qosıp atırǵan watanlaslarımız hám ǴXQ wákilleri mirát etildi. Qaraqalpaqstan Respublikası Ministrler Keńesi Baslıǵınıń orınbasarı R.Nurazizov joqarı sıylıqqa eriskenlerdi qızǵın qutlıqlap, búgin elimizdiń rawajlanıwı jolında pidákerlik penen miynet etip atırǵan watanlaslarımızǵa úlken tabıslar tiledi hám sıylıqlardı óz iyelerine tapsırdı.