Nókis qalasında Joqarı bilimlendiriw, ilim hám innovaciyalar ministrliginiń Qaraqalpaqstan Respublikası Ministrler Keńesi menen birgelikte keńeytilgen kollegiyalıq májilisi bolıp ótpekte. Onda Joqarı bilimlendiriw, ilim hám innovaciyalar ministrliginiń juwapkerleri, aymaqlıq basqarmalarınıń basshıları, respublikalıq joqarı bilimlendiriw mákemeleriniń rektorları hám direktorları qatnaspaqta.
Nókis qalasında Joqarı bilimlendiriw, ilim hám innovaciyalar ministrliginiń Qaraqalpaqstan Respublikası Ministrler Keńesi menen birgelikte keńeytilgen kollegiyalıq májilisi bolıp ótpekte. Onda Joqarı bilimlendiriw, ilim hám innovaciyalar ministrliginiń juwapkerleri, aymaqlıq basqarmalarınıń basshıları, respublikalıq joqarı bilimlendiriw mákemeleriniń rektorları hám direktorları qatnaspaqta. Kollegiyalıq májilisin joqarı bilimlendiriw, ilim hám innovaciyalar ministri Q.Sharipov basshılıǵında bolıp ótpekte. Májilisti Qaraqalpaqstan Respublikası Ministrler Keńesiniń Baslıǵı F.Ermanov ashıp berdi. Búgingi kúnde mámleketimizdegi sociallıq-ekonomikalıq rawajlanıwdı jańa basqıshqa alıp shıǵıw, ekonomika hám tarawǵa baylanıslı reformalardı ámelge asırıw procesinde joqarı oqıw orınları menen texnikumlardıń qatnasıwı úlken áhmiyetke iye bolmaqta. Usı kózqarastan, kollegiyalıq májilisinde Prezidentimiz tárepinen 2024-jıl 16-oktyabrde qol qoyılǵan “Professional bilimlendiriwde maman kadrlar tayarlaw sistemasın bunnan bılay da jetilistiriw hám xalıqaralıq bilimlendiriw baǵdarlamaların engiziw ilajları haqqında”ǵı Pármanında joqarı bilimlendiriw mákemeleri hám texnikumlardıń basshıları aldına qoyılǵan tiykarǵı wazıypalardıń ámelge asırılıwına baylanıslı máseleler dodalanbaqta.
