Qaraqalpaqstan Respublikası Ministrler Keńesiniń Baslıǵı F.Ermanov Qıtay Xalıq Respublikasınıń CSADI (Central South Architectural Design Institute Co.Ltd) kompaniyası wákilleri menen ushırasıwı bolıp ótti.

07.11.2024 17:24:30 3223 Baspaǵa shıǵarıw Pdf Word

Qaraqalpaqstan Respublikası Ministrler Keńesiniń Baslıǵı F.Ermanov Qıtay Xalıq Respublikasınıń CSADI (Central South Architectural Design Institute Co.Ltd) kompaniyası wákilleri menen ushırasıwı bolıp ótti. Ózbekstan Respublikası Prezidentiniń 2023-jıl 8-avgusttaǵı PF-129-sanlı Pármanına tiykar Qaraqalpaqstan Respublikasında “Jaslar sotsiallıq-ekonomikalıq orayı”n shólkemlestiriw názerde tutılǵan hám de bul boyınsha Prezident qararınıń joybarı islep shıǵıldı. Joybar tiykarında Qaraqalpaqstan Respublikası Xojeli rayonınıń qolaylı orınlarınıń biri Nókis-Qońırat avtomagistralınıń boyında, “Samankól” APJ aymaǵındaǵı 152 gektar jer maydanında shólkemlestiriw rejelestirilgen. Bul joybardıń koncepsiyası Qıtay Respublikasınıń CSADI (Central South Architectural Design Institute Co.Ltd) kompaniyası wákilleri menen birgelikte islep shıǵıldı. Ministrler Keńesiniń Baslıǵı F.Ermanov joybardıń prezentatsıyası menen jaqınnan tanısıp shıqtı. Prezentaciya dawamında eń sońǵı texnologiyalar, ekologiyalıq qáwipsizlik normaları, jańa dizayn sheshimleri hám zamanagóy infrastruktura joybarları haqqında maǵlıwmat berildi. Óz gezeginde Ministrler Keńesiniń Baslıǵı óz-ara birgelikdegi joybarlardı ele de rawajlandırıw hám olardı ámelge asırıwda hár dayım qollap-quwatlaytuǵının ayrıqsha atap ótti.