Búgin Ministrler Keńesiniń Basliǵı F.Ermanov Birlesken Milletler Shólkeminiń balalar qorı (UNICEF), UNFPA hámde Jáhán Densawlıqtı saqlaw shólkeminen kelgen delegaciya aǵzaları menen ushırasıwı bolıp ótti.

Ushırasıwda tiykarǵı itibar aral boyı aymaǵında jasawshı xalıqtıń turmıs abadanlıǵın arttırıw, bilimlendiriw, densawlıqtı saqlaw hám ekologiyalıq mashqalalarǵá birgelikte gúresiw jánede aǵımdaǵı hám perspektivadaǵı birge islesiw joybarları dodalandı. UNICEFtiń “Klimat ózgeriwine shıdamlılıqtı arttırıw hám Qaraqalpaqstan Respublikasınıń tórt rayonında qáwipsiz suw, sanitariyalıq, gigiena hám densawlıqtı saqlaw xızmetlerin támiyinlew” joybarı tiykarında birgelikte ámelge asırılatuǵın jumıslardıń barısı boyınshada pikirler alısıldı.