Búgin Ministrler Keńesiniń Baslıǵı Farxod Ermanov Qazaqstan Respublikasınıń Mańǵıstaw wálayatı hákimliginiń isbilermenlik hámde sawda basqarmasınıń baslıǵı D.Murataliev hámde Beynew rayonınıń hákimi Raximjan Shalbaev basshılıǵındaǵı delegaciya aǵzaların qabılladı.
Xabarıńız bar kúni keshe Samarqand qalasında Ózbekstan-Qazaqstan tórtinshi aymaqlar aralıq birge islesiw forumı bolıp ótti. Bul forum sheńberinde Ózbekstan-Qazaqstan tórtinshi aymaqlar aralıq forumınıń juwmaqları boyınsha bir qatar hújjetlerge qol qoyıldı. Ózbekstan hám Qazaqstan arasındaǵı uzaq múddetli sheriklikti keńeytiwde aymaqlar aralıq baylanıslar haqıyqıy háreketge keltiriwshi kúsh bolıp xızmet etpekte. Bul iygilikli islerdiń basında mámleketlerimiz basshıları arasındaǵı doslıq hám isenimli baylanıslar áhmiyetli faktor bolıp atırǵanın ayrıqsha atap ótiw zárúr.
Búgin Ministrler Keńesiniń Baslıǵı Farxod Ermanov Qazaqstan Respublikasınıń Mańǵıstaw wálayatı hákimliginiń isbilermenlik hámde sawda basqarmasınıń baslıǵı D.Murataliev hámde Beynew rayonınıń hákimi Raximjan Shalbaev basshılıǵındaǵı delegaciya aǵzaların qabılladı.
Ushırasıwda eki tárep arasındaǵı ekonomikalıq birge islesiwdi bekkemlew baǵdarında jańa joybarlar dodalandı. Atap aytqanda, Mańǵıstaw wálayatınıń strategiyalıq geografiyalıq jaylasıwı jáne Mańǵıstaw hám Qaraqalpaqstan Respublikasın baylanıstıratuǵın avtomobil jolınıń qurılısı sebepli sawda-satıq tarawında úlken potencial bar ekenligi atap ótildi. Bunnan tısqarı, ana jerimizde jetistirilgen awıl xojalıǵı ónimlerin Mańǵıstaw wálayatına jetkeriw hám kerisinshe teńiz ónimlerin elimiz bazarlarına arzan hám sapalı alıp kiriw boyınsha sóylesiwler alıp barıldı. Qaraqalpaqstan Respublikasınıń Mańǵıstaw wálayatı menen tikkeley hám tıǵız baylanıslar ornatqanlıǵı, bul óz gezeginde birge islesiw, regionallıq rawajlanıw, hám xalıqaralıq doslıq qatnasıqlarınıń jańa betin ashıwı kútilmekte. 
