Qaraqalpaqstan Respublikası Ministrler Keńesiniń Baslıǵı F.Ermanov Rossiya Federaciyasınıń Buryatiya Respublikasınan kelgen delegaciya aǵzaları menen ushırasıwı bolıp ótti.

Ushırasıwda Ministrler Keńesiniń Baslıǵı F.Ermanov sońǵı jıllarda Prezidentimiz basshılıǵında elimizde xalıqaralıq baylanıslardı bekkemlew, sawda-ekonomika, investiciya, gumanitar tarawlar hám basqa da baǵdarlarda birge islesiwlerdi jolǵa qoyıw hám keńeytiw boyınsha keń kólemli ilajlar ámelge asırılıp atırǵanlıǵın atap ótti. Bul baǵdarda Ózbekstan Respublikası hám Rossiya Federaciyası aymaqları menen bir qatar jónelisler boyınsha birge islesiwler jolǵa qoyılǵan bolıp, búgin bul baylanıslar elede bekkemlenbekte. Qaraqalpaqstan Respublikası hám de Buriyatiya Respublikası menen óz-ara birge islesiw, investiciyalıq jańa joybarlar, turizm, azıq-awqat, awıl xojalıǵı tarawlarında perspektivalı joybarlardı iske túsiriw máseleleri boyınsha sóylesiwler alıp barıldı.