“Jasıl mákan” joybarı hám abadanlastırıw boyınsha wazıypalar belgilendi

Qaraqalpaqstan Respublikası Ministrler Keńesi hamde Respublika prokuraturası menen birgelikte “Jasıl mákan” joybarı hám abadanlastırıw boyınsha belgilengen tapsırmalardıń orınlanıwı boyınsha keńeytilgen jıynalısı bolıp ótti. Jıynalısta Qaraqalpaqstan Respublikası Ministrler Keńesi Baslıǵınıń orınbasarı Sh.Dauletiyarov qatnastı ham alıp bardı, sonday-aq Qaraqalpaqstan Respublikası prokurorınıń orınbasarı w.w.a F.Q.Radjapov, Qaraqalpaqstan Respublikası Prokuraturasınıń bólim baslıǵı O.X.Karimov, tiyisli juwapker mákeme, shólkemler basshıları qatnastı. «Jasıl mákan» ulıwma milliy joybarı sheńberinde báhárgi terek nállerin egiw jumıslarınıń barısı, qala hám rayonlar átirapında jasıl qaplamalı belbawlar payda etiw, xalqımızdıń jer menen islesiw mádeniyatın arttırıw hám hár bir shańaraqta úy aldındaǵı qıytaq jerinen nátiyjeli paydalanıwına kómeklesiw máseleleri boyınsha islengen isler sın kóz qarasta kórip shıǵıldı. Bul jumıslardıń nátiyjeli alıp barılıwında kemshiliklerge jol qoyǵan juwapkerlerge jaza sharaların qollaw maseleleri kórip shıǵıldı. Sonıń menen bir qatarda «Abatlıq kewilden baslanadı» degen iygilikli ideya tiykarında tazalıq hám abadanlastırıw jumısları hár bir máhállege, hár bir shańaraqqa kirip barıwı kerekligi, qala hám rayonlarda jol boylarında keń qamtıwlı dóretiwshilik jumısları ámelge asırılıwı ayrıqsha atap ótildi. Onda sonday-aq, barlıq rayon hákimi orınbasarları, tiyisli mákeme, shólkemler basshıları menen birge aldaǵı waqıtta ámelge asırılıwı tiyis jumıslar belgilep alınıp, wazıypalar bólistirildi.