Qaraqalpaqstan Respublikası Ministrler Keńesiniń Baslıǵı F.Ermanov Franciya Rawajlanıw agentligi hám Evropa investiciyalıq bankiniń wákilleri menen ushırasıwı bolıp ótti.

Ushırasıwda Ózbekstan Respublikası Prezidentiniń 2021-jıl 30-dekabrdegi “Ózbekstan Respublikasınıń 2022-2026-jıllarǵa mólsherlengen investiciyalıq baǵdarlamasın tastıyıqlaw jáne investiciyalıq joybarlardı basqarıwdıń jańa qatnas hám mexanizmlerin engiziw haqqında”ǵı PQ-72-sanlı qararınıń orınlanıwın támiyinlew maqsetinde Aral teńiziniń tómengi aǵımındaǵı degradaciyaǵa ushıraǵan jerlerdiń jaǵdayın jaqsılaw boyınsha investiciyalıq joybar tiykarında ámelge asırılatuǵın jumıslar boyınsha óz-ara sóylesiwler alıp barıldı. Bul joybar sheńberinde 20 mıń gektar maydanda toǵaylar hám 5 mıń gektar jerde agrar tarawında aylanıstan shıqqan jerlerdi qayta islew beriw arqalı topıraq ónimdarlıǵın asırıw názerde tutılǵan.