Xalıq iygiligi ushın xızmet etiwshi jańa klinika paydalanıwǵa tapsırıldı

Mámleketimiz Ǵárezsizliginiń otız úsh jıllıǵı bayramı qarsaǵında Nókis qalası «Allaniyaz Qaharman» MPJ aymaǵında «CARDIOMED NUKUS» klinikasınıń ashılıw máresimi bolıp ótti. Onda Qaraqalpaqstan Respublikası Ministrler Keńesiniń baslıǵı F.Ermanov, Qaraqalpaqstan Respublikası Densawlıqtı saqlaw ministri M.Qurbanov hám keń jámiyetshilik qatnastı. Jańa zamanagóy sharayatlarǵa iye klinika 50 orınǵa mólsherlengen bolıp, kúndizgi hám túngi stacionar, laboratoriya, UZI, EKGnıń sutkalıq Xolter monitorı, tredmill sınaması, fizeoterapiya xızmetler jolǵa qoyılǵan. Klinika kardiologiyalıq hám nevrologiyalıq keselliklerdi emlewge xızmet kórsetedi hám jumıs baslawı menen 15 puqaranıń bántligi támiyinlengen. Jańa klinika xalıq salamatlıǵı ushın xızmet eteri sózsiz.