Ámiwdárya rayonındaǵı «Aq altın» APJda 2025-jıl ónimi ushın ǵálle egiw jumısların shólkemlestiriw boyınsha awıl xojalıǵı seminarı bolıp ótti.

Aymaqtaǵı “Yakubova Gawxar” fermer xojalıǵınıń egin maydanında shólkemlestirilgen seminarda Qaraqalpaqstan Respublikası Ministrler Keńesiniń baslıǵı F.Ermanov, rayon hákimleri, respublika hám rayondaǵı awıl xojalıǵı tarawı wákilleri qatnastı. Seminarda ǵálleden mol ónim alıw maqsetinde egin jumısların birdemlik penen shólkemlestiriw, agrotexnikalıq ilajlardı óz waqtında ámelge asırıw arqalı egin maydanlarınan nátiyjeli paydalanıwǵa qaratılǵan áhmiyetli wazıypalar haqqında sóz etildi. Sonday-aq, seminar dawamında paxtadan mól ónim alıw boyınsha jumıslar menen de tanısıldı.