Ministrler Keńesiniń Baslıǵı baylanıs infrastrukturasın modernizaciyalaw boyınsha investorlar menen sóylesiwler alıp bardı

Ministrler Keńesiniń Baslıǵı Farxod Ermanov Qıtay mámleketinen kelgen investorlar menen baylanıs infrastrukturasın modernizaciyalaw boyınsha sóylesiwler alıp bardı.

Bul baǵdarlamanıń tiykarǵı maqseti Oraylıq Aziya mámleketleri menen sawda kólemin keńeytiw, jasalma intellekt sanaatınıń dárejesin kóteriw hám xabar texnologiyalarına baǵdarlanatuǵın investiciyalardı kóbeytiwden ibarat.

Házirgi waqıtta Qazaqstan, Vetnam, Malayziya hám Singapur sıyaqlı mámleketlerdegi sanlı texnologiyaǵa qánigelesken kárxanalar, mákemeler hám universitetler bul baǵdarlamada qatnasıwdı jobalastırmaqta.

Quwanıshlı tárepi, mırza Liu Genchjongtıń usınısı tiykarında eń dáslep Qaraqalpaqstan Respublikası birinshi izertlew baǵdarı sıpatında tańlap alındı hám dáslepki sóylesiwler alıp barıldı.