Ministrler Keńesiniń Baslıǵı F.Ermanov basshılıǵında náwbettegi kóshpeli qabıllaw Shımbay rayonında ótkerildi

2024-jıl 22-avgust kuni Ministrler Keńesiniń Baslıǵı F.Ermanov basshılıǵında náwbettegi kóshpeli qabıllaw Shımbay rayonında ótkerildi. Bunda, ministrlik, basqarma, shólkemler, huqıq qorǵaw uyımları hám rayon sektor basshıları qatnastı.

Bunnan soń, puqaralar tárepinen bántlik, medicinalıq kórikten ótiw, materiallıq járdem, turaq-jayın hújjetlestiriw, kommunallıq hám ishki jollardı qayta ońlaw, elektr baǵanaların ornatıw hám isbilermenligin júritiw ushın bank tárepinen kredit kerek ekenligi boyınsha mashqalalar bildirildi.

Qabıllawda, 4 puqaranıń bántligi támiyinlenip, sonday-aq, bir puqaranıń balası nawqaslıǵı boyınsha múrájatı Ministrler Keńesiniń Baslıǵı tárepinen jeke qadaǵalawǵa alındı hám de Densawlıqtı saqlaw ministrligine balanıń Tashkent qalasında emleniwi ushın «order» beriwin, al, máhálle tárepinen bir mártelik materiallıq járdem pulı ajıratıw boyınsha tapsırmalar berildi.

Qalǵan máseleler júzesinen tiyisli ministrlikler menen birgelikte is-ilajlar islep shıǵıldı.