Kóshpeli qabıllaw

Usı jıldıń 27-iyun kúni Qaraqalpaqstan Respublikası Ministrler Keńesi Baslıǵı Farxod Ermanovtiń, Nókis rayonında puqaralardıń múrájatların qabıl etiw, olardıń usınıs hám pikirlerin tıńlaw maqsetinde kóshpeli qabıllawı bolıp ótti.
Qabıllawda puqaralar tárepinen ishimlik suw, ishki jolın ońlaw, elektr energiya, turaq-jay menen támiyinlew, balalar baqshasın qurıp beriw máseleleri hám taǵı da basqa bir qatar mashqalalar boyınsha múrájatlar bildirildi. Bunda ayırım múrájatlar qabıllaw dawamında unamlı sheshildi. Múddet talap etetuǵın mashqalalar ushın jumısshı topar dúzilip, másele ornına shıqqan halda úyreniliwi boyınsha kórsetpeler berildi.