Usı jıldıń 22-iyun kúni paytaxtımızdaǵı jaslar orayı imaratında Qaraqalpaqstan Respublikası Ministrler Keńesiniń Baslıǵı F.Ermanov jaslar menen ashıq sáwbet formasında ushırasıwı bolıp ótti.

Ashıq sáwbetlesiw formasında bolıp ótken ushırasıwda F.Ermanov mámleketimiz tárepinen jaslarǵa jaratılıp atırǵan keń imkaniyatlar haqqında qısqasha aytıp ótti. Bunnan soń, bir qatar jaslar ózleriniń pikir-usınısların bildirdi.  Atap aytqanda, Ájiniyaz atındaǵı Nókis mámleketlik pedagogikalıq institutınıń studenti Alfiya Amangeldieva Qaraqalpaqstan Respublikasındaǵı qala hám rayon hákimlerin jaslarǵa jolbasshı jáne úlgi etip kórsetiw maqsetinde olar qatnasıwında «Ministrler Keńesi Baslıǵı kubogi» atı menen intellektuallıq oyın shólkemlestiriw, «SHABBAZ NUKUS» jeke-menshik kárxanasınıń direktorı Ádilbek Saparniyazov jas isbilermenler, fermerler, ónermentler qatnasıwında forum shólkemlestiriw usınısların bildirdi. Bul pikir usınıslar Ministrler Keńesiniń Baslıǵı tárepinen qollap-quwatlanıp, aldaǵı waqıtlarda jolǵa qoyıw boyınsha tiyisli ilajlar kóriliwin atap ótti.