«Ózbekstan-ulıwma úyimiz» «Ózbekstan kóp milletli el, keńpeyil xalıq» uranı astında mádeniy ilaj ótkerildi.

2024-jıl 30-aprel kúni Nókis qalası 34-sanlı ulıwma bilim beriw mektep muǵallimleri, oqıwshıları hám «Eli abat» MPJ puqaraları qatnasıwında «Ózbekstan kóp milletli el» uranı astında mádeniy ilaj ótkerildi. Mámleketimizde adamgershilik hám milletlerara tatıwlıq principleri tiykarında alıp barılıp atırǵan demokratiyalıq reformalardıń ayrıqsha aynası bolıp tabıladı. Sonlıqtan, Konstituciyamızdıń 8-statyasında belgilengenindey, Ózbekstan xalqı milletine qaramastan, Ózbekstan Respublikasınıń puqaraların quraydı. «Ózbekstan-ulıwma úyimiz» doslıq hám mádeniyat festivali sheńberinde, «Salamat áwlad tárbiyasında milletlerara tatıwlıqtıń ornı» temasındaǵı ilimiy-ámeliy seminar, «Milliy hám diniy milletlerara tatıwlıq -turaqlılıq faktorı» atlı kórgizbesi, «Qudiretimiz-birlik hám tatıwlıq» atlı koncert “Úrp-ádet hám qádiriyatlar millet aynasi” uranı astında túrli milletlerdiń ayrıqsha mádeniyat, kórkem óneri, úrp-ádetleri, dástúrlerin sáwlelendiriwshi aǵayin xalıqlar súwretshileriniń dóretpeleri hám fotolar kórgizbesi, túrli xalıqlar ónermentshilik úlgileri kórgizbesi hám de tuwısqan xalıqlar jazıwshı hám shayırları dóretpeleri kórgizbesin hám de “Milliy qádiriyatların ózinde sáwlelendiriwshi libaslar” kórgizbelerinen dúzildi. Ilaj sońında 34-sanlı ulıwma bilim beriw mektebi jámááti hám belsene qatnasqan jaslarǵa Qaraqalpaqstan Respublikası Ministrler  Keńesiniń  “húrmet jarlıǵı”  hám qımbat bahalı sawǵaları tapsırıldı.