Xojeli rayonında kórgizbeli seminar ótkerildi
Búgin 2024-jıl 3-aprel kúni Xojeli rayonı “Xojeli Elita uruǵchilik” JShJde shigit egisine arnalǵan kórgizbeli seminar bolıp ótti. Seminarǵa, Ministrler Keńesiniń Baslıǵı F.Ermanov, Xojeli hám Shomanay, Qanlıkól, Qońırat rayonınıń sektor basshıları, sonday-aq, tiyisli taraw wákilleri qatnastı. Sózge shıǵıp sóylewshiler Prezidentimiz tárepinen qabıl etilgen qararında awıl xojalıǵı tarawın elede rawajlandırıw boyınsha áhmiyetli maqset hám wazıypalarına toqtalıp, fermerlerdiń aldaǵı islerine tabıslar tiledi. 
Xojeli rayonında 7 700 gektar maydanǵa shigit egiw rejelestirilgen bolıp, bul jumıslar ushın 17 otryad dúzildi hám 2419 texnikalar biriktirildi. Ilaj dawamında, «biriń mıń bolsın» degen jaqsı tilekler menen atızlarǵa dáslepki tuqımlar taslanıp, rayonda egis jumısları baslap jiberildi. Bunnan soń, «Jasıl mákan» ulıwma milliy joybarı sheńberinde bárshe qatnasıwshılar tárepinen hár qıylı miyweli hám dekorativ terek nálleri egildi.