Tórtkúlde shigit egiw boyınsha kórgizbeli seminar bolıp ótti
Búgin Tórtkúl rayonındaǵı «Namunali Timur» fermer xojalıǵında usı jıl zúrááti ushın shigit egiw boyınsha kórgizbeli seminar bolıp ótti. Onda Qaraqalpaqstan Respublikası Ministrler Keńesiniń Baslıǵı F.Ermanov, Tórtkúl rayonı hákimi R.Shamuratov hám de respublikadaǵı taraw juwapkerleri, paxta klasterleri kárxanalarınıń basshıları, tiyisli wákiller hám rayondaǵı sektor jáne fermer xojalıqları baslıqları qatnastı. Shigit egiw boyınsha kórgizbeli seminar aldınan Ministrler Keńesiniń Baslıǵı F.Ermanov hám taraw wákilleri qatnasıwında nuranıy atalar duwası menen jerge tuqım sebildi hám egiw jumısları baslap jiberildi. 
Seminarda Qaraqalpaqstan Respublikası Ministrler Keńesi Baslıǵı F.Ermanov, rayon hákimi R.Shamuratov hám de taraw juwapkerleri sózge shıqtı. Búgingi ótkerilgen ilajda shigit egiwdi belgilengen múddetlerde optimal usılda alıp barıw kerekligi atap ótildi. Sonıń menen birge shigit egiwde diyqan hám fermerler itibar qaratıwı kerek bolǵan áhmiyetli wazıypalar boyınsha usınıslar berildi. Seminar dawamında Qaraqalpaqstan Respublikası Ministrler Keńesi Baslıǵı F.Ermanov hám de juwapkerler tárepinen “Jasıl mákan” ulıwma milliy joybarı sheńberinde miyweli jáne sayamanlı terek nálleri egildi. Bunnan soń kórgizbeli seminarda zamanagóy, joqarı tezlik penen isleytuǵın texnikalıq qurallar hám awıl xojalıǵı ónimleri kórgizbesi shólkemlestirildi. Maǵlıwmat ushın bıyılǵı jılı 205 fermer xojalıǵında 8300 gektar maydanǵa shigit egiw jobalastırılǵan. 
