Búgin Ellikqala rayonı «Saxtiyon» posyolka puqaralar jıyını aymaǵındaǵı «Saxtiyonli Sadulla» fermer xojalıǵı maydanında 2024-jıl zúrááti ushın shigit egiwdi sistemalı jolǵa qoyıw boyınsha kórgizbeli seminar bolıp ótti.

Ellikqala rayonı «Saxtiyon» posyolka puqaralar jıyını aymaǵındaǵı «Saxtiyonli Sadulla» fermer xojalıǵı maydanında 2024-jıl zúrááti ushın shigit egiwdi sistemalı jolǵa qoyıw boyınsha kórgizbeli seminar bolıp ótti.   Onda Qaraqalpaqstan Respublikası Ministrler Keńesi Baslıǵı F.Ermanov, Qaraqalpaqstan Respublikası Ministrler Keńesi Baslıǵınıń orınbasarı D.Qaypov, Ellikqala rayonı hákimi V.Niyazımbetov, sonday-aq, rayondaǵı 4 sektor baslıǵı, tarawǵa juwapker shólkem hám kárxanalardıń basshıları, paxta klasterleri kárxanalarınıń baslıqları, taraw wákilleri hám qánigeleri qatnastı. Seminar basında Ministrler Keńesiniń Baslıǵı F.Ermanov hám taraw wákilleri qatnasıwında nuranıy atalardıń duwası menen jerge tuqım sebildi hám egiw jumısları baslap jiberildi. Bunnan soń zamanagóy joqarı tezlikte islewshi texnikalıq qurallar hám awıl xojalıǵı ónimleriniń kórgizbesi shólkemlestirildi. Jıynalǵanlar kórgizbe menen jaqınnan tanısıp, ózleriniń pikirleri menen bólisti. Rayonda 9 mıń 200 gektardan artıq jerge shigit egip, mol zúráát alıw maqset etilmekte. Bunıń ushın házirgi kúnde 24 otryad jumıs alıp barmaqta.   Sapar dawamında «Jasıl mákan» ilajları da ámelge asırıldı.