Insan mápi eń dáslepki orında

Búgin Qaraqalpaqstan Respublikası Ministrler Keńesiniń májilisler zalında Ózbekstan Respublikası Prezidenti Administraciyasınan tiyisli wákiller J.Xasanov, I.Giyasov, S.Xodjaev, O.Toshxodjaevlar qatnasıwında májilis bolıp ótti.

Májiliste Qaraqalpaqstan Respublikası Ministrler Keńesi Baslıǵı F.Ermanov, Respublika sektor basshıları, Xalıq qabıllawxanası, Ministrlikler, shólkemler, qala hám rayon hákimleri hámde olardıń orınbasarları, kárxana basshıları qatnastı.

Ilajdı shólkemlestiriwden maqset-xalıq tárepinen eń kóp kóterilip atırǵan máseleler, puqaralardıń múrájatları hám arızlarınıń kelip shıǵıwına sebep bolıp atırǵan mashqalalardı saplastırıwdan ibarat.

Sonday-aq, «Abat shańaraq-abat kóshe-abat máhálle» principin ámelge engiziw boyınsha nátiyjeli jumıslar ámelge asırılıwı rejelestirilgen.