Ózbekstan hám Tájikstan jetekshileri telefon arqalı sóylesti

Ózbekstan hám Tájikstan jetekshileri telefon arqalı sóylesti

05.10.2024

Ózbekstan Respublikası Prezidenti Shavkat Mirziyoev 5-oktyabr kúni Tájikstan Respublikası Prezidenti Emomali Rahmon menen telefon arqalı sóylesti.

Mámleketimiz basshısı Tájikstan jetekshisin tuwılǵan kúni menen qızǵın qutlıqlap, oǵan bekkem densawlıq hám jańa tabıslar, dos tájik xalqına abadanlıq hám rawajlanıw tiledi.

Prezidentler Ózbekstan-Tájikstan qatnasıqların joqarı dárejedegi kelisimlerden kelip shıqqan halda rawajlandırıwdıń áhmietli máselelerin dodaladı.

Tovar almasıw kólemin arttırıw, sanaat, energetika, awıl xojalıǵı hám basqa da tiykarǵı baǵdarlarda kooperaciya joybarların alǵa qoyıw maqsetinde tıǵız uyımlararalıq birge islesiw hám jedel almasıwlardı dawam ettiriw áhmietli ekeni atap ótildi.

Mámleket basshıları regionda júzege kelip atırǵan jaǵday boyınsha da pikir alıstı.