Ministrler Keńesiniń Baslıǵı F.Ermanov Tatarstan eliniń Bashira Rameeva atındaǵı «IT Park» wákilleri menen ushırastı.

Ministrler Keńesiniń Baslıǵı F.Ermanov Tatarstan eliniń Bashira Rameeva atındaǵı «IT Park» direktorı R.Vlasov, hám orınbasarları R.Yunusov, E.Davletshinalar menen ushırastı.

Ushırasıw dawamında, Bashira Rameeva atındaǵı «IT Park» oqıtıwshıları arqalı elimiz jasların IT tarawına oqıtıw, olardıń bilim hám tájiriybe kónlikpeleri asırıw boınsha sóylesiwler alıp barıldı.
Sonıń menen bir qatarda, jılına 400 hám 450 ge jaqın jaslardı oqıtıp, olar tárepinen islep shıǵılǵan ónimi ushın bazar ortalıǵın jaratıp beriw hám sol arqalı eksport kólemin arttırıw názerde tutılmaqta.

Sonday-aq, jaslardı IT tarawına qızıqtırıw maqsetinde ishki hám xalıqaralıq tańlawlardı shólkemlestiriw boyınsha jol kartası islep shıǵılatuǵınlıǵı ayrıqsha atap ótildi.