Surxandarya wálayatı hákimi Uluģbek Kasimov basshılıģındaģı delegaciya rásmiy sapar menen Taqıyatas rayonında boldı

Delegaciya aģzaları Qaraqalpaqstan Respublikası Ministrler Keńesi baslıģı F.Ermanov hám Taqıyatas rayonı hákimi D.Kurbanov basshılıģında “Nayman Agro teplica” ıssıxanasına bardı. Delegaciya aģzaları ıssıxananıń búgingi jaģdayı, eksport múmkinshilikleri hám ónimniń ishki bazarlarģa satılıwı boyınsha maģlıwmatlar menen jaqınnan tanıstı. Onnan soń sáwbet dawamında Prezidsntimizdiń tapsırması menen qabıl etilgen 52-sanlı qarar boyınsha rayonda ámelge asırılģan jumıslar boyınsha atap ótildi. Sonıń menen birge xalıqtıń sociallıq jaģdayın jaqsılaw hám puqaralardı jumıs pensn támiyinlew baģdarında da ámelge asırılıp atırģan ilajlar haqqında aytıp ótip, bir ģana ıssıxanda 100 den zıyat puqaralardıń jumıs penen támiyinlengeni ayrıqsha tilge alındı. “Nayman Agro teplica” JShJ 2018-jılda shólkemlestirilgen bolıp, Qubla Koreya texnologiyaları tiykarında shólkemlestirilgen. 8,5 gektar jer maydanına iye ıssıxana tiykarınan pomidor ónimin jetistiredi hám Qazaqstan, Rossiya mámleketlerine eksport qıladı.