“Áhmiyetli bir aylıq” engizildi

Usı jıldıń 10-mart kúni Jaslar orayı imaratı aldında Ministrler Keńesiniń Baslıǵı F.Ermanov basshılıǵında Ózbekstan Respublikası Prezidentiniń 2025-jıl 6-marttaǵı “Máhállelerde qıytaq jerlerden nátiyjeli paydalanıwdı shólkemlestiriw arqalı xalıqtıń bántligin hám dáramatların arttırıwǵa qaratılǵan jumıslardı bunnan bılay da jedellestiriw haqqında”ǵı “F-18”-sanlı biyliginde kórsetilgen “Nawrız” ulıwma xalıqlıq bayramı hám múbárek “Ramazan” ayın kóterińki keypiyatta ótkeriw maqsetinde 11-mart sánesinen “Áhmiyetli bir aylıq” engizildi. Bunnan gózlengen maqset, máhállelerdi birgelikte abat etiw hám kóklemzarlastırıw, xalıqtıń qıytaq jerlerine palız, miywe, kartoshka, sobıqlı hám basqa da dáramatlı eginlerdi egiw, “Jasıl mákan” sheńberinde terek nállerin egiw jáne ǵalabalıq shembilik hám mádeniy ilajlar ótkeriliwi rejelestirilgen. Bunnan soń, Ministrler Keńesiniń Baslıǵı F.Ermanov hám Nókis qalası hákimi A.Daniyarov basshılıǵında respublikalıq hám qalalıq shólkemlerden máhállelerge biriktirilgen wákillerge berilgen tapsırmalar boyınsha orınlanıwı tiyis bolǵan jumıslar júzesinen kórsetpeler berildi.