⚡️5 sotix ıssıxanada 1000 dana limon nálleri tárbiyalanbaqta

⚡️5 sotix ıssıxanada 1000 dana limon nálleri tárbiyalanbaqta 2024-jıldıń 28-noyabr kúni Ózbekstan Respublikası Prezidenti Shavkat Mirziyoyevtiń basshılıǵında “Miywe-palız ónimlerin jetistiriw, qayta islew hám eksportın kóbeytiwge baylanıslı is-ilajlar” boyınsha videoselektor májilisinde, máhállelerde limonshılıq tarawın rawajlandırıw boyınsha bir qatar tapsırmalar berildi. Házirgi waqıtta Ellikqala rayonı “Paxtachi” MPJ aymaǵında jasawshı Rózimbetov Anvardıń qıytaq jerindegi 5 sotix ıssıxanada 1000 dana limon nálleri tárbiyalanbaqta. Íssıxanada jer maydanlarınan únemli paydalanıw maqsetinde qıyar nálleri arnawlı qutılarǵa egilgen.Bunday jumıslar óz gezeginde jerden nátiyjeli paydalanıw arqalı qosımsha dáramat alıw imkaniyatın jaratadı. Búgingi kúnde Agrosanaattı rawajlandırıw agentliginiń qánigeleri tárepinen limon nállerin egiwdi jolǵa qoyǵan qıytaq jer iyelerine rayondaǵı bar bolǵan náller boyınsha ámeliy járdemler berilip kelinbekte. Íssıxana iskerligin úyreniw dawamında ıssıxana iyesi Rózimbetov Anvar limonshılıq tarawın keńeytiw rejesi bar ekenligin bildirip, qosımsha jer maydanı boyınsha Agentlik qánigeleri tárepinen bos turǵan jer maydanları usınıs etildi. Bunday baslamalar limon jetistiriwdi rawajlandırıw, azıq-awqat qáwipsizligin támiyinlew hám isbilermenlikti qollap-quwatlaw jolındaǵı áhmiyetli qádem bolıp xızmet etpekte.