Qaraqalpaqstan Respublikası Ministrler Keńesiniń Baslıǵı F.Ermanov basshılıǵında sport tarawına arnalǵan májilisi bolıp ótti.
Onda Joqarǵı Keńestiń Komitet baslıǵı M.Atamuratov, Ministrler Keńesi Baslıǵınıń orınbasarı R.Zarikeev, Sport ministri A.Allanazarov hámde Respublikamızdıń barlıq qala hám rayon sport mektep direktorları hámde federaciya, associaciyası atqarıwshı direktorları qatnastı. Májiliste sport tarawında ámelge asırılatuǵın wazıypalar koncepciyası, sonıń ishinde, ǵalabalıq sporttı rawajlandırıw, sport jarısların qabıl etiw, máhállelerde sport maydanshaların qurıw, sport mektepleri jumısın rawajlandırıw, mayıplıǵı bolǵan shaxslardı sportqa tartıw, tarawdı jetilistiriw baǵdarlamaların ámelge asırıwǵa baylanıslı wazıypalar dodalandı. Sonday-aq, Sport shólkemleriniń 2025-jılǵı smetaların puqta islep shıǵıw, “Baslamalı byudjet” hám investiciyalıq joybarlar menen islesiw sıyaqlı máseleler kórip shıǵıldı. Májilis dawamında Ministrler Keńesi Baslıǵı tárepinen hár bir baǵdar boyınsha jumıslardı reje tiykarında shólkemlestiriw, aymaqlardaǵı kemshiliklerdi saplastırıw boyınsha juwapkerlerge tiyisli kórsetpeler hám tapsırmalar berildi. Májilis juwmaǵında tiyisli juwapkerler hám sport basshılarınıń kún tártibindegi máseleler boyınsha usınısları tıńlanıp, anıqlanǵan mashqalalardıń sheshimi boyınsha arnawlı jol karta islep shıǵılıp orınlanıwı qadaǵalawǵa alındı.
