Qaraqalpaqstan Respublikası Ministrler Keńesinde “Atqarıw tártibi – nátiyjelilik faktorı” atamasında seminar bolıp ótti.

Onda Ministrler Keńesi Baslıǵınıń birinshi orınbasarı N.Erlepesov qatnastı hám seminardı basqarıp bardı. Sonday aq, Ózbekstan Respublikası Prezidenti administraciyasınıń juwapker xızmetkeri E.Jo’rayev hámde Ózbekstan Respublikası Ádillik ministrliginiń bas másláhátshısı F.Jurayev qatnastı. Ózbekstan Respublikası Prezidentiniń 2021-jıl “Nızamshılıq hújjetleri orınlanıwın nátiyjeli shólkemlestiriwde mámleketlik basqarıw uyımları hám jergilikli atqarıw hákimiyatı uyımları basshılarınıń jeke juwapkershiligin kúsheytiwge baylanıslı qosımsha ilajlar haqqında”ǵı PF–6166-sanlı Pármanı hám 2021-jıl 31-maydaǵı “Ijro.gov.uz” orınlaw tártibi uyımlararalıq birden-bir elektron sistemasınıń nátiyjeli jumıs islewin támiyinlewge qaratılǵan qosımsha ilajlar haqqında”ǵı PQ-5132-sanlı qararında belgilengen tapsırmalar tiykarında Qaraqalpaqstan Respublikası Ministrler Keńesinde orınlaw tártibi “Ijro.gov.uz” uyımlararalıq elektron sisteması arqalı Ózbekstan Respublikası Prezidentiniń Párman, qarar, biylik hám tapsırmaları jáne májilis protokollarında berilgen tapsırmaları óz waqtında orınlanıwǵa qaratılıp, sapalı orınlanıwı qatań qadaǵalawǵa alınǵan. Ózbekstan Respublikası Prezidenti Sh.M.Mirziyoyevtiń 2024-jılı “ijro.gov.uz” sistemasında qadaǵalaw tapsırmaları orınlanıwınıń nátiyjeliligi juwmaqları, anıqlanǵan kemshilikler hám mashqalalar, sonday-aq, bul baǵdardaǵı jumıslardıń nátiyjeliligin arttırıw ilajları boyınsha Ministrler Keńesi sekretariatları hám strukturalıq bólimleriniń keleshekte orınlaw tártibin bekkemlew boyınsha oqıw-seminarı shólkemlestirildi. Bul oqıw seminar arqalı “ijro.gov.uz” sistemasında qadaǵalaw tapsırmaları orınlanıwınıń nátiyjeliligin arttırıw, anıqlanǵan kemshilikler hám mashqalalar boyınsha juwapker qánigeler ózleriniń qızıqtırǵan sorawlarına qánigeler tárepinen juwapların aldı.