Ózbekstan Respublikası Prezidentiniń 2020-jıl 30-oktyabrdegi “Jasırın ekonomikanı qısqartırıw hám salıq uyımları jumısınıń nátiyjeliligin arttırıw boyınsha is-ilajlar haqqında”ǵı PP-6098-sanlı Pármanınıń orınlanıwı boyınsha jasırın ekonomikanı qısqartırıw maselelerine arnalǵan májilis bolıp ótti.

Onda Qaraqalpaqstan Respublikası Ministrler Keńesi Baslıǵınıń birinshi orınbasarı N.Erlepesov qatnastı hám májilisti basqarıp bardı. 2024-jılda Departamenttiń Qaraqalpaqstan Respublikası basqarması tárepinen ótkerilgen tallaw hámde xatlawlar nátiyjesinde anıqlanǵan 12 jóneliste byudjetke 514,4 mlrd. som qosımsha túsimler túsiriw belgilengen. Sonnan, 2024-jıl dawamında 610,5 mlrd. somǵa (118%) qayta esabat tapsırılıp, 549,9 mlrd. som óndirilgen (106,9 %). Bunnan tısqarı 2024-jılda jergilikli byudjetke 428,0 mlrd.swm qosımsha túsimlerdi 21- jónelisin táminlew boyınsha reje belgilep alınǵan edı. Rejege tiykar jıl juwmaǵı menen byudjetke jámi 429,3 mlrd. swm túsim támiyinlenip, belgilengen reje 100,3 procentke orınlanǵan. 2025-jıl ushın 17 jóneliste 767,5 mlrd.som qosımsha túsimlerdi túsiriw boyınsha «Jol karta» tastıyıqlanıp rejesi belgilenip, házirgi kúnde «Jol karta» orınlawǵa qaratılǵan.  Sonday aq, anıqlanǵan kemshiliklerde sın kóz qarasta kórip shıǵılıp tiyisli juwapkerlerge tapsırmalar berildi.