Puqaralar qabıllawı: Hár bir múrájat itibardan shette qalmaydı

Búgin Qaraqalpaqstan Respublikası Ministrler Keńesi Baslıǵınıń orınbasarı, Shańaraq hám hayal-qızlar komitetiniń baslıǵı M.Ahmedova óziniń jeke qabıllawın ótkerdi. Qabıllaw dawamında puqaralar tiykarınan turaq jay máselesi, bántlik, sociallıq járdem, kommunallıq xızmetler sıyaqlı mashqalalar boyınsha múrájat etti. Tiyisli taraw juwapkerleri menen birgelikte hár bir másele tolıq úyrenilip, ayırım múrájatlar ornında sheshildi. Sheshiliwi waqıt talap etiletuǵın máseleler boyınsha anıq baǵdarlar belgilendi hám qadaǵalawǵa alındı. Puqaralar menen tikkeley sóylesiw hám olardıń mashqalalarına sheshim tabıw jámiyet rawajlanıwınıń áhmiyetli táreplerinen biri bolıp, qabıllaw nátiyjesinde kóplegen máseleler o’z sheshimin tapqanlıǵı xalıqtıń mámleketlik uyımlarǵa bolǵan isenimin jáne de bekkemleydi.