Temir jol ústinde jańa avtomobil ótkeriw kópiri paydalanıwǵa tapsırıldı

20.01.2025 17:23:17 379 Baspaǵa shıǵarıw Pdf Word

Elimizde jáne bir áhmiyetli infrastruktura obyekti paydalanıwǵa tapsırıldı. Temir jol ústinen ótetuǵın jańa avtomobil ótkeriw kópiriniń rásmiy ashılıw máresimi bolıp ótti. “Baslamalı byudjet” joybarı tiykarında bahası 1 mlrd. 146 million somlıq bul kópir Nókis qalasınıń “Nawqan baǵ” hám “Tele oray” mákan puqaralar jıyınların bir-birine baylanıstıratuǵın, puqaralardıń awırın jeńil, uzaǵın jaqın etetuǵın jańa avtomobil ótkeriw kópiri paydalanıwǵa tapsırıldı. Barlıq qáwipsizlik hám sapa standartlarına tolıq juwap beretuǵın bul jol ótkergish arqalı mıńlaǵan aydawshılar hám piyadalar óz maqsetlerine qáwipsiz hám tez jetip barıw imkaniyatına iye boladı. Bul bolsa jergilikli xalıqtıń turmıs sapasına hám ekonomikaǵa unamlı tásirin kórsetedi.