Qaraqalpaqstan Respublikası Ministrler Keńesi Baslıǵınıń orınbasarı R.Nurazizov Kegeyli rayonında puqaralardıń múrájatların úyrenip shıǵıw boyınsha qabıllaw ótkerdi.
Puqaralardıń múrájatları menen islesiw, olardı qıynap kiyatırǵan kúndelikli mashqalalarına unamlı sheshim tabıw ilajları búgingi kúnniń baslı wazıypalarınan biri bolıp tabıladı. Usı maqsette búgin, Qaraqalpaqstan Respublikası Ministrler Keńesi Baslıǵınıń orınbasarı R.Nurazizov Kegeyli rayonında puqaralardıń múrájatların úyrenip shıǵıw boyınsha qabıllaw ótkerdi. Kabıllawǵa rayonnıń túrli aymaqlarınan 30 dan zıyat puqaralar ózleriniń múrájatları menen qatnastı. Tiykarınan suw, jol, materiallıq hám medicinalıq járdem, balalar napaqası sıyaqlı turmıslıq mashqalalar boyınsha múrájat etken puqaralardıń múrájatları sol orınnıń ɵzinde respublika qólemindegi tiyisli taraw basshıları menen birgelikte úyrenilip shıǵıldı. Orınlanıwı, unamlı sheshimi ushın wakıt hám qarjı talap etiletuǵın múrájatlardıń orınlanıwına tiyisli tártipte tapsırmalar berilip, qadaǵalawǵa alındı. 
