Namangan wálayatı hákimi basshılıǵındaǵı delegaciya aǵzaları Qaraqalpaqstan Respublikasında miymanda.
Namangan wálayatı hákimi Sh.Abdurazzoqov, Qaraqalpaqstan Respublikası Ministrler Keńesiniń Baslıǵı F.Ermanov penen birgelikte Nókis qalası aymaǵınan “Uychi tumani” tájriybesi tiykarında ulıwmalıq bahası 12 mlrd som bolǵan kishi sanaat zonasınıń shólkemlestiriliwine arnalǵan ilajda qatnastı. “Namangan-Nukus-Uychi” MCHJ tárepinen zamanagóy texnologiyalar tiykarında temirshilikke qániygelesken kishi sanaat zonası shólkemlestirilip, onda qosımsha sawda orayların qurıw kózde tutılǵan. Namangan wálayatı hákimi Sh.Abdurazzoqov hám Qaraqalpaqstan Respublikası Ministrler Keńesiniń Baslıǵı F.Ermanov penen birgelikte Ilajda irge tasın qoyıw máresimine qatnastı. Bul kishi sanaat zonasınıń iske túsiwi menen jańa 70 jumıs ornı jaratıladı. 
