Qaraqalpaqstan Respublikası Ministrler Keńesinıń Baslıǵı F.Ermanov Beruniy rayonında puqaralar múrájatların úyreniw hám olarǵa ornında sheshim tabıw maqsetinde náwbettegi kóshpeli qabıllawı bolıp ótti.

Búgingi kúnde mámleketimizde insan mápleri joqarı qádiriyat dárejesine kóterilgen bolıp, barlıq ilajlar «Insan qádiri ushın» degen princip tiykarında turmısta óz sáwleleniwin tawıp atır. Bunda puqaralardıń mashqalaların úyreniw hám saplastırıw, nızamlı máplerin támiyinlew jolında barlıq ilajlar kórilmekte. Sol tiykarda Qaraqalpaqstan Respublikası Ministrler Keńesinıń Baslıǵı F.Ermanov Beruniy rayonında bolıp puqaralardan kelip túsken hár qıylı mazmundaǵı múrájatlardı úyrendi.   Qabıllaw dawamında turaq jay menen támiyinlew, ishki jollardı ońlaw, gaz máseleleri boyınsha kelip túsken múrájatlar kórip shıǵıldı, múrájat iyelerine sheshiliwi boyınsha tolıq túsinikler berildi.   Álbette, hár bir múrájat kórip shıǵılıp, sheshiliwi bir insannıń táǵdirine unamlı tásir etedi, sonıń menen bir qatarda puqaralardıń mámleketlik uyımlarǵa bolǵan isenimin ele de bekkemleydi.