Qaraqalpaqstan Respublikası Ministrler Keńesiniń Baslıǵı F.Ermanov Izrail mámleketiniń Ózbekstandaǵı ayrıqsha hám tolıq huqıqlı elshisin qabılladı

Izrail mámleketiniń Ózbekstandaǵı ayrıqsha hám tolıq huqıqlı elshisi Gideon Lustis Qaraqalpaqstan Respublikası Ministrler Keńesiniń Baslıǵı Farxod Ermanov penen ushırastı. Ushırasıw dawamında óz-ara birge islesiwdi jáne de rawajlandırıw, sawda-ekonomikalıq baylanıslardı kúsheytiw hám hár qıylı tarawlardaǵı birge islesiw máseleleri dodalandı. Sonday aq, sociallıq-ekonomikalıq, óndiris hám awıl xojalıǵı tarawlarında baylanıslardı rawajlandırıw, ekologiyalıq mashqalalarǵa birgelikte gúresiw máseleleri boyınsha pikir alısıldı. Ilim, bilimlendiriw, turizm potencialınan jáne de keńirek paydalanıw awıl xojalıǵın rawajlandırıwda eki mámleket taraw xızmetkerleri arasında tájiriybe almasıw hám tıǵız baylanıslardı ornatıw áhmiyetli ekenligi ayrıqsha atap ótildi.