Qaraqalpaqstanda gúl jetistiriwdi rawajlandırıw boyınsha oqıw seminari shólkemlestirildi.
Nókis qalasında Ózbekstan Respublikası Shańaraq hám Hayal-qızlar komiteti, Ózbekstan “Agrar tarawı hayal-qızları” associaciyası hám onıń Qaraqalpaqstan Respublikasındaǵı aymaqlıq bólimi menen birgelikte biznes hám finans konsalting (BFC), Germaniya rawajlanıw bankinıń (KFW) qarjılay járdeminde “Zamanagóy texnologiyalar tiykarında sayamanlı ósimlikler hám gúller jetistiriw, bul baǵdarda biznes shólkemlestiriw” máselesine baǵıshlanǵan 2 kúnlik seminar-trening bolıp ótti. Ilajda Ózbekstan Respublikası Shańaraq hám hayal-qızlar komitetiniń baslıǵı O.A.Parpiboyeva hám Qaraqalpaqstan Respublikası Ministrler Keńesi baslıǵınıń orınbasarı – Shańaraq hám hayal-qızlar komitetiniń baslıǵı M.A.Axmedova qatnastı. Seminar-treningte Qaraqalpaqstan Respublikasınıń Qala hám Rayonlarınan kelgen isbilermenler, jumıssız hayal-qızlar sayamanlı ósimlikler, gúller jetistiriw hám biznesin jolǵa qoyıw boyınsha zamanagóy bilim hám maǵlıwmatlarǵa iye boldı.
